Рэспубліканскі конкурс «Энергамарафон»

1. Галоўная
2. Мэты устойлівага развіцця
3. Рэспубліканскі конкурс «Энергамарафон»

апублікавана 04.08.2021 15:42

З 2018 г. рэспубліканскі конкурс «Энергамарафон» уваходзіць у План работы Савета па ўстойлівым развіцці як рэспубліканскае мерапрыемства па папулярызацыі сярод дзяцей і моладзі Мэт устойлівага развіцця, у прыватнасці мэты № 7.

Конкурс праводзіцца Дэпартаментам па энергаэфектыўнасці ўжо на працягу 14 гадоў і накіраваны на фарміраванне ў дзяцей актыўнай сацыяльнай пазіцыі ў адносінах да рацыянальнага выкарыстання энергарэсурсаў і беражлівага стаўлення да навакольнага асяроддзя, выяўленне і распаўсюджванне эфектыўнага вопыту ўстаноў адукацыі па арганізацыі энергазберажэння.

Штогод у конкурсе ўдзельнічаюць больш за 3,5 тыс. навучэнцаў больш чым з 500 розных устаноў адукацыі рэспублікі (дашкольныя навучальныя ўстановы, установы сярэдняй адукацыі, прафесійна-тэхнічныя вучылішчы і інш.). Лепшыя працы ўдзельнікаў прадстаўляюцца для ўдзелу ў міжнародных конкурсах.

Лепшыя ўдзельнікі конкурсу прадстаўляюць Рэспубліку Беларусь на міжнародных мерапрыемствах ("Энергія будучыні" імя шэйха Зайеда (Аб'яднаныя Арабскія Эміраты), расійскі фестываль #РазамЯрчэй, тэматычныя спецыялізаваныя адукацыйныя змены на базе Усерасійскага дзіцячага цэнтра «Змена»).

У 2021 г. упершыню конкурс прайшоў у анлайн-фармаце. У кожнай вобласці і г. Мінску былі арганізаваны студыі для інтэрактыўных адносін з цэнтральнай студыяй, дзе з удзелам кіраўнікоў Дэпартамента па энергаэфектыўнасці, Міністэрства адукацыі, Мінскага аблвыканкама аб'яўляліся пераможцы па 7 намінацыях конкурсу. Трансляцыя цырымоніі ажыццяўлялася ў прамым эфіры праз сайт Дэпартамента па энергаэфектыўнасці, што дазволіла значна пашырыць аўдыторыю конкурсу (за адзін раз было больш за 500 падключэнняў да трансляцыі, у тым ліку з Расіі, Казахстана, Украіны, Літвы).