Каліброўка

1. Галоўная
2. Раздзелы
3. Дзейнасць
4. Метралогія
5. Каліброўка

апублікавана 16.11.2018 13:33

Каліброўка ажыццяўляецца пры выпуску сродкаў вымярэнняў з вытворчасці або рамонту, пры іх прымяненні і ўвозе ў Рэспубліку Беларусь.

Каліброўка сродкаў вымярэнняў, якія прызначаны для прымянення альбо якія прымяняюцца ў сферы заканадаўчай метралогіі, ажыццяўляецца на аснове дагавора юрыдычнымі асобамі, якія ўваходзяць у дзяржаўную метралагічную службу, або іншымі юрыдычнымі асобамі, акрэдытаванымі для яе ажыццяўлення.

Перыядычнасць каліброўкі сродкаў вымярэнняў, якія прымяняюцца ў сферы заканадаўчай метралогіі, устанаўліваецца Дзяржаўным камітэтам па стандартызацыі Рэспублікі Беларусь.

Каліброўка сродкаў вымярэнняў, якія прымяняюцца па-за сферай заканадаўчай метралогіі, ажыццяўляецца юрыдычнымі асобамі і індывідуальнымі прадпрымальнікамі, якія ажыццяўляюць вытворчасць сродкаў вымярэнняў, іх рамонт, рэалізацыю, прымяненне, перадачу ў арэнду, у тым ліку пракат, альбо на аснове дагавора іншымі юрыдычнымі асобамі і індывідуальнымі прадпрымальнікамі.

Перыядычнасць каліброўкі сродкаў вымярэнняў, якія прымяняюцца па-за сферай заканадаўчай метралогіі, устанаўліваецца юрыдычнымі асобамі, індывідуальнымі прадпрымальнікамі і іншымі фізічнымі асобамі, якія прымяняюць гэтыя сродкі вымярэнняў.

Вынікі каліброўкі засведчваюцца пасведчаннем аб каліброўцы сродкаў вымярэнняў.