Паверка

апублікавана 16.11.2018 13:27

Паверка ажыццяўляецца пры выпуску сродкаў вымярэнняў (СВ) з вытворчасці або рамонту, пры іх прымяненні і ўвозе ў Рэспубліку Беларусь.

Паверка сродкаў вымярэнняў, якія прызначаны для прымянення альбо якія прымяняюцца ў сферы заканадаўчай метралогіі, ажыццяўляецца юрыдычнымі асобамі, якія ўваходзяць у дзяржаўную метралагічную службу, на аснове дагавора.

Перыядычнасць паверкі такіх сродкаў вымярэнняў устанаўліваецца Дзяржаўным камітэтам па стандартызацыі Рэспублікі Беларусь. Пастанова Дзяржстандарта "Аб зацвярджэнні Пераліку абласцей у сферы заканадаўчай метралогіі" ад 16.03.2009 №17.

Калі сродкі вымярэнняў не прымяняюцца ў сферы заканадаўчай метралогіі, то іх паверка ажыццяўляецца як названымі вышэй юрыдычнымі асобамі, так і іншымі юрыдычнымі асобамі, акрэдытаванымі для яе ажыццяўлення на аснове дагавора.

Перыядычнасць ажыццяўлення паверкі сродкаў вымярэнняў, якія прымяняюцца па-за сферай заканадаўчай метралогіі, устанаўліваецца юрыдычнымі асобамі, індывідуальнымі прадпрымальнікамі і іншымі фізічнымі асобамі, якія прымяняюць гэтыя сродкі вымярэнняў.

Паверка ажыццяўляецца непасрэдна павершчыкамі. Адпаведнасць сродкаў вымярэнняў метралагічным характарыстыкам, устаноўленым пры зацвярджэнні тыпу сродкаў вымярэнняў і указаным у Дзяржаўным рэестры сродкаў вымярэнняў Рэспублікі Беларусь, а таксама патрабаванням заканадаўства Рэспублікі Беларусь аб забеспячэнні адзінства вымярэнняў засведчваецца нанясеннем знака паверкі на сродкі вымярэнняў і (або) на іх эксплуатацыйную дакументацыю.

Для юрыдычных асоб дзяржаўнай метралагічнай службы.

Кляймо-наклейка і ротарная пломба для юрыдычных асоб дзяржаўнай метралагічнай службы.

Для іншых юрыдычных асоб

Інструкцыя аб парадку прымянення знака паверкі сродкаў вымярэнняў і яго формах, зацверджаная пастановай Дзяржстандарта ад 07.03.2007 № 14.

Вынікі паверкі засведчваюцца пасведчаннем аб паверцы сродкаў вымярэнняў.

Сродкі вымярэнняў, у ходзе паверкі якіх выяўлена неадпаведнасць устаноўленым патрабаванням, прызнаюцца сродкамі, якія не прайшлі паверку, аб чым складаецца заключэнне. Яны могуць прымяняцца альбо пасля рамонту і наступнай паверкі, альбо пасля каліброўкі.

Адрозніваюць наступныя віды паверак:

першасная – праводзіцца пры выпуску сродкаў вымярэнняў з вытворчасці і пасля рамонту;
перыядычная – праводзіцца праз міжпаверачныя інтэрвалы, устаноўленыя з улікам забеспячэння прыгоднасці да прымянення на перыяд паміж паверкамі;
пазачарговая – праводзіцца да заканчэння тэрміну дзеяння перыядычнай паверкі пры ўводзе сродка вымярэнняў у эксплуатацыю або неабходнасці пацвярджэння прыгоднасці СВ да прымянення;
інспекцыйная – праводзіцца пры ажыццяўленні дзяржаўнага метралагічнага нагляду і метралагічнага кантролю за станам і прымяненнем сродкаў вымярэнняў;
экспертная – праводзіцца пры ўзнікненні спрэчных пытанняў па метралагічных характарыстыках, спраўнасці СВ і прыгоднасці іх да прымянення.

Вынікі паверкі засведчваюцца пасведчаннем аб паверцы сродкаў вымярэнняў.

Паверку праводзяць акрэдытаваныя паверачныя лабараторыі арганізацый Дзяржстандарта.

Арганізацыі Дзяржстандарта таксама праводзяць каліброўку сродкаў вымярэнняў, пры якой устанаўліваюцца сапраўдныя метралагічныя характарыстыкі сродкаў вымярэнняў у пэўных умовах эксплуатацыі.

Рэестр акрэдытаваных паверачных, калібровачных і выпрабавальных лабараторый